xvslen

Өнгөрсөн өчигдөр биш
Ирээгүй маргааш бус

Төсөөлөл мөрөөдөлд байдаг
Өнгөрсөн маргааш
Ирээгүй өчигдөр

Үнэнч бус чиний хүсэл
Үнэнчийг хүссэн чиний бодол

Салхи шиг хуйсагнадаг чиний харамлалт
Бороо шиг надруу шивэрдэг чиний тачаал

Соронз шиг чамайг татаж чадах наалинхайтал
Чоно шиг чамайг тасдаж чадах бардамнал

Басамжлалаар чинь зүү сүвлээд
Зүрхэнд чинь хүлээлт хатгамалдах

Сэтгэлд чинь мөндөр шиг цус хурж
Чамд шингээсэн үнэрийг мартаж чадахгүй өвгөрөх

Өнгөрсөн өчигдөрт чи харуусаж
Ирээгүй өчигдөрт би баярлах


...

Харанхуйн аниргүйг хөгжөөсөн
Хачин өнгөтэй онгод хүүхэн
Хананы цаанаас нохойгоо дуудана
Хав хув хар хур тэр ч бас унтаагүй

Гудамны шонгийн сүүдэртэй
Гурайтатлаа архиралдана
Онгод авгайн сэтгэл хөөрөлд
Оройжин хууртагдана

Хялганы толгой хэрчин
Хөл мэдэн гүйх нохой
Хатуу дарсанд согтон
Хараагаараа унтах онгод хүүхэн

За хэлэх ч үг алга даа. Та бүхэн боломжтой байгаа дээрээ энэ талаар санал сэтгэгдлээ доор үлдээгээрэй дээ. Удахгүй бид тийм эрх чөлөөгүй болох дог доо... Ерөнхий сайдын хувийн амралтын газрын бохир ус Туул гол руу (шүүгдээд, цэвэрлэгдээд гэж байгаа ч хүрэн өнгөтэй) цутгаж байгаа хэмээн нийтэлсэн Амжилт.ком сайт хаагдаад удаагүй байгаа билээ. Сэтгүүлчид маань, ард иргэд бид эрх чөлөөгөө хамгаалан тэмцэхгүй бол бас арай л биш санагдаж байна. Гэхдээ тэрхүү ЕС-ийн мэдээллийн үнэн зөв эсэхийг би мэдэхгүй ч ямартай ч хэвлэлийн эрх чөлөөг боож, Монгол улс Хятад шиг дэлхий нийтээс тусгаарлагдаж эхэлж...

Зүрхгүйгээр бас хувцасгүйгээр
Зөнгөөрөө бас нүдээ аниастайгаа
Гутал ч үгүй ганцаархнаа
Гуниг ганцаардлыг мэдрэх мэдрэмжгүйгээр
БИ АМЬДАРЧ ЧАДДАГ

Тэр үед ертөнц
Хар өнгөөр будагдсан байдаг
Тэр гэх цагаан өнгө л
Зүүдээр минь хөтлөн зугаацдаг

Эзэндээ зохиогүй
Усан нүд
Усан борооноор тайвширдаг
Бүүдгэр нүд
Бухал өвсөнд дурлах
Жинхэнэ нүд
Бусдад үзүүрлэгдсэн
Ганцаардмал нүд

Хэнд ч ойлгогддоггүй
Цоож зүүсэн нүд
Хэрээний зүг удаан ширтдэг
Тавширсан нүд
Шөнийн харанхуйд айдаггүй
Цэнхэр нүд
Шүүрс алдмаар
Нууц хадгалсан нүд

Нэг л удаа хашгираад цээжин доторх хүлээс тайлагддаг бол...
Нэг л удаа ганцаардаад ангижрахгүйгээс ангижирдаг бол...
Нэг л удаа зугатаад дурсамж бүрээс алсардаг бол...
Нэг л удаа үнэнд бүдрээд дахин худлаад төөрдөггүй бол..

Яг одоо нэг л удаа...

Хэзээ нэгэн цагт би ээж болно

Хэвлийдээ халуун амь бүтээнэ

     Бие болоод сэтгэлээ

     Хайраар сүлээд хуваана

     Бүтэн шөнийг хагаслаад

     Үрдээ өөрийгөө зориулна

 

Хэзээ нэгэн цагт би ээж болно

Хэлтэрч хагарсан сэтгэлээ

Бүтэн болгоод зөөллөнө

Элээний сүүдэр тусахгүй гэсэндээ

Зүрхэн дотроо шигтэгнэ

Эргэх амьдрал байдаг бол

Эжий заяанд л дахин төрнө

 

Хэзээ нэгэн цагт би ээж болно

Хэн ч бүтээж чадахгүй

Тийм хүмүүнийг урлана

Халуухан хошуунд нь дулаацна

Хамаг орчлонг өнгөтөөр харна


Хэзээ нэгэн цагт би ээж болно
Харыг зайлуулж цагааныг татана

Хүйтэн халууныг үл анзааран

Хорвоо ертөнцийг туулна

...

Юуны өмнө энэ заавар нь хууль зөрчихийг уриалаагүй. Зөвхөн ийм боломж байдаг талаар мэдлэг түгээх зорилготой болохыг анхаарна уу. Мөн танд хэрэг болсон бол шэйрлэж түгээгээрэй. 

Энэ арга нь мэдээж түр зуурын зүйл. Эндээс бас энэ юу болох гээд байгаа, DNS block гэдэг ямар аюултай зүйл болох талаар мэдээлэл аваарай.

DNS - Domain name server гэдэг нь интернэт дахь вэб хуудсуудын байрлаж буй серверийн хаягийг хэрэглэгчийн компьютертай холбож чиглүүлж өгдөг үүрэгтэй тусгай сервер компьютерыг хэлдэг. Интернэт дэх сервер, төхөөрөмж бүр өөрийн гэсэн IP хаягтай байдаг. Энэ нь цээжлэхэд хэцүү тоо байда...

     Алтайн хөх уулсын дунд  “Цагаан өтөг” нэртэй дулаахан буудал бий. Тэр бол миний хорвоо ертөнцтэй холбогдсон анхны минь “унасан” газар.  Төрсөн буудал минь хаан суудал шиг л өнөөх л хэвээрээ өнө мөнхөд намайг хүлээж байдаг юм. Би азтай хүн шүү. Харин угаасан ус минь БОРОО. Намайг мэндлэх тэр үед ширүүн бороо орж байсан гэдэг. Тиймээс ч би бороонд дуртай.

Энэ биеийг минь тоссон  авралт хүн бол миний Хөгшин ээж. Тэрээр намайг  “Энэ Улаан хүн болох гэж өөрөө дурлаж ирээд зөнгөөрөө хүн болсон юм. Зөнгөөрөө л амьдраад явна” гэдэг байв.  Учир нь эхийнхээ хэвлийд шарлаад дутуу сайртай төрсөн ...

Галт тэрэгний
Хуучин дэр модонд
Ганцхан миний хөлийн мөр гараагүй

Дэр модон дээр толгойгоо тавиад
Тэнгэрээс түүнийг явуулаач гэж харуулдсан

Чийг даасан үүрээр
Тэрнээс салаад явсан
Тэр өдрийн мэдрэмж
Одоо ч надаас салаагүй